الوَصيَّة (2) .. بقلم : شيرين موسي

وهى دى الوَصيَّة إرووها بعرقكم زى ما رويناها بدمنا،نفديكى يابلادى وتعيشي يابلادى بالعزم والإصرارلينا رب ينصرنا قادرين نفوت فى النار مين ده اللى يكسرنا،وعشان تعيشي يامصركان لازم نضحِّى بعمرنا وبدمنا ونكتب وصيتنا الأخيرة للِّى جاى من بعدنا،إحناإختارنا الشهادة بإرادتنا عشان ندافع عن قِيَم ديننا وحرية وطنَّا واجهنا رصاص الغدرنيابة عن شعبنا وحاربنا عشان نضمن مستقبل افضل لولادنا وأحفادنا.
-كلمات جاءت فى بداية فيلم الوَصيَّة الذي قدمته إدارة الشئون المعنوية بالقوات المسلحة تكريما لأرواح الشهداء ونستكمل الجزء الثانى:
*الشهيد/محمد المعتز رشاد(جندى قوات مسلحة)صديقه:محمد كان بيصلي ودايما بيتوضا قبل مايخرج من الوحدة إتعرفنا علي بعض في وحدتنا في رفح،كان بيقول دايماً إنه بيدعى ربنا إنه يموت شهيد ويوم الحادث صحينا بدري وإتوضينا وصلينا كالعادة-إحنا في كل مرة بنخرج عارفين إننا هنموت في أي لحظة- ويومها حصل تعامل معانا محمد إتصاب في الأول وبمجرد وصوله إلى المستشفي كان إستشهد،والده:(محمد كان من الشباب الطيبين بيلعب جميع انواع الرياضات واللعبة إللى كان بيحبها (التايكوندو)وحقق فيها بطولات وكان ملتزم دينيا،انا ربيته تربية الشباب المصري الحلو الجميل، محمد خلَّص بكالوريس إعلام إذاعة وتلفزيون ربنا كرمه بالخدمة العسكرية وصمم إنه يكون جندى مقاتل طلب من القادة بتوعه يروح رفح وفى كل أجازة بيكون مستعجل يرجع وحدته وكان فرحان بكل إللى بيعمله وبزملاؤه وبالخبرة العسكرية وبيقول الجيش غيرنى،لحد ما ربنا كتب له الشهادة الحمدلله انا بحمد ربنا إبنى شهيد ،زميله جاب الشنطة بتاعته وفوجئت بالكراسة دى كاتب فيها(إلى من يجد هذه الكرَّاسة بالله عليك ان توصلها إلى أبي الدكتورالمعتز) محمد كتب فيها:إن كنت طلبت الشهادة فأنا فى مكان جميل يارب تقبل منِّى الشهادة فأنا فى سبيلك وجهادى لحماية أرضي وعِرضي وشرفي ووطنى ودينى وأهلي ومالي)،والده:انا حاسس بالسعادة إن ده إنسان بطل وربنا يكرم الشهداء كلهم ومنهم محمد (وقام بتقبيل وإحتضان صورة محمد وهو يتسلم شهادة تكريمه من الفريق صدقي صبحى قبل مايموت بفترة قصيرة).
*الشهيد البطل المقدم/محمد هارون تم تكريمه من الفريق صدقى صبحى قبل إستشهاده لبطولاته في القوات المسلحة،زوجته:محمد كان بالنسبة لى زوج مثالي انا فقدته كزوج وصديق وأخ وحبيب أُطلِق عليه اسماء كثيرة(صائد التكفيريين-أسد سيناء-أسد الصحراء-صقر سيناء)فترة قيادته للكمين كانت صعبة لأقصى درجة كان بصراحة إنسان جريء وشجاع جدا ومش بيخاف الموت سافر بعد3ايام من الجوازعشان يعمل شغله حصل تعامل عليه وإتصاب في قدمه ورغم كده كمل واجبه، صديقه جودة :حاجة تدعو للفخر ان من أطلق عليه الألقاب اهالي الشيخ زويد إللى عايشين هناك حول الكمين كانوا بيشوفوا إن التكفيريين بيستنوا ميعاد المقدم هارون ينزل أجازة عشان يتحركوا وأول مايرجع يعرفوا إن الطحن هيشتغل وكل واحد يستخبي في الجحر بتاعه،آخرمرة المقدم هارون قال:انا هاطلع اجيب ذخيرة بنفسي اخدنا عربية ملاكى انا وهو وعلي بعد 3كيلو من الكمين بدأ يحصل علينا تعامل من العناصر التكفيرية ولما شافونا داخلين بنجري عليهم وبنتعامل معاهم برضه وإحنا فردين فقط ،فى منهم ناس جريت ودخلت في مدقات المقدم هارون قال لى: انت هتسيبهم يجروا ويهربوا قلتله:نعمل إيه؟قال لى:هندخل وراهم قلتله:انت عايزنا كده نموت يعنى نموت اسرع؟ قال لى: سيبها علي ربنا ودخل وراهم وانا معاه وقتلنا إتنين منهم ورحنا جبنا الذخيرة وفي اليوم ده كان انتصار لينا، ودايما كان يقول لى وإحنا طالعين في اى مداهمة ربنا هينصرنا لأننا اهل الحق ،في إحدى المرات وقت التعامل إتصاب فى رجله وأصاب العنصر التكفيري فى الكمين وراح للعنصر وكان بيستحضر روحه قال له:انت كنت هتموتنى انا مكنتش عايزأقتلك بس انت إضطرتنى اعمل كده وكان التكفيري فى آخر انفاسه قال:هاتوا له مايَّه يشرب قالوا له: ياأفندم ده كان هيموتك وضربك طلقة في رجلك وانت متصاب والدم مغرق رجلك والأرض إزاى كده؟قال:ده إللى إتعلمناه من الدين بتاعنا إحنا مش هنعمل زيهم)
وأكمل جودة كلامه بنظرة تحدى قائلا :كل من هو موجود في شمال سيناء بطل ومشروع شهيد فعلا شايلين كتير قوى عن البلد وبيشوفوا الموت بعينهم كل لحظة وكل ثانية ومعظمهم كاتب وصايا وعارفين إنهم مش راجعين وبالتأكيد إللى يخلِّي الناس دى تخرج وهما عارفين وواثقين ومتأكدين إنهم مش راجعين ده معناه إن الناس دى عندهم إيمان قوى بربنا وإنهم علي حق وإن إللى إحنا بنعمله هو الصح وفعلا كما قال الرسول (ص):خير اجناد الأرض،دى رسالة بوجهها لعناصر التكفيريين لوهارون الله يرحمه إستشهد وجوده إستشهد إعرفوا موجود 100ألف هارون وجودة هيقوموا بنفس إللى إحنا بنعمله وأكتر كمان ومحدش هيسيبكم تكونوا علي شبر من ارض سيناء ولا هنسيب حبِّة رمل واحدة من ارضها ابدا لوكلفنا أراوحنا كلنا والجيش كله فداء مصر
*وفى نهاية فيلم الوَصيَّة تكون الخاتمة بصوت ابطال القوات المسلحة احباب القلب وتاج الرأس وروح الروح وهم يرددون:
وهى دى الوَصيَّة إرووها بعرقكم زى ما رويناها بدمنا
حالفين بعون الله..طول ما إحنا فينا الروح
يا بلدنا فى قلوبنا..ومعانا فين مانروح
وتعبنا كله يهون..يابلدنا ياغالية
ونخلِّى راسك فوق..زي السما عالية
يابلادى يابلادى …فى عنيا يابلادى
نفديكى يابلادى…وتعيشي يابلادى
بالعزم والإصرار..لينا رب ينصرنا
قادرين نفوت فى النار..مين ده اللى يكسرنا
حالفين بعون الله..طول ما احنا فينا الروح
يابلدنا فى قلوبنا..ومعانا فين مانروح

تعليقات الفيس بوك

تعليقات الفيس بوك