مجلة الكبار فقط يقرؤها الكبار إقتصادية , فنية , رياضية
كتب: أحمد عصام
تستعد المطربة هبة يوسف، لإحياء حفل غنائى يوم 1 فبراير المقبل الساعة 6.30 فى ساقية الصاوى.
وتجرى المطربة هبة يوسف حالياً بروفات حفلها، حيث من المنتظر أن تقدم خلال الحفل العديد من المفاجآت لجمهورها.
وقالت المطربة هبة يوسف عبر موقع التواصل الاجتماعى فيس بوك، توكلت على الله نرجع نعمل دعاية تانى للحفلة اللى فعلاً مخدتش حقها بسبب التعب اللى الواحد فية لكن أنتوا عارفين فية عقد ومقدرش ألغي والدكتور قالى اقدر اغنى بإذن الله من هنا ليوم الثلاثاء وأنا ألف حمد وشكر فى تحسن نحمد الله على كل حال مستنياكم يوم الحفلة فى ساقية الصاوى الزمالك الساعه ٦ ونص تكونوا موجودين بإذن الرحمن وأنا فعلاً محتاجة للحفلة دى ومحتاجة اشوفكم ورغم أى حد تمنى لى الشر فبإذن الله هنعمل الحفلة للناس اللى حبتنى من قلبها ودعتلى وربنا ما يحرمني منكم والحفلة هتفرق معايا أنا نفسياً جداً لأن فعلاً محدش يعرف الواحد مر بإية فى الفترة الأخيرة وما شاف الا الشر من اللى حبهم بس ربنا موجود وهينصفنى على كل الظلم اللى أتظلمتة بحياتى وهيجى اليوم أكيد اللى ربنا هياخدلى حقى أنا واثقة في عدل ربنا والمهم خلينا ننسى ونفرح وأن شاء الله تكون حفلة تليق بيكم وتفرحكم يا أغلى الناس بحياتى وقلبى أنا فعلاً بحبكم أوى ولا عمرى هنسى الحب والخوف والاهتمام اللي شوفتوا من كل الناس الغريب قبل القريب والفنانين والناس العادية واللى معرفهمش أصلاً صدقونى الكسرة دى قوتنى أكتر من الأول بكتير وشكراً من قلبى أحبكم وبشكركم.
