مختارات
الرئيسية / ثقافة و أدب / ماحبتنيش .. شعر : نيفين الطويل

ماحبتنيش .. شعر : نيفين الطويل

ماحبتنيش
وجودي كان مجرد يعني قول مثلا رصيد تحويش
ف كان الحل
تغيب وتعود بعيد موجود
معلقني
يومين تكره ويوم بتحن تعشقني
ماجايز وانت بتدور
يشح الصنف متلاقنيش
فا خليني أدنى كاسات فوسط النيش
وعارف ليه
عشان اصلا ماحبتنيش
ماحبتنيش
عشان لو يوم قلوب حبت وكت مجروحه تتعافي
عشان قلبك فضل مفتوح على الجراحات
ماكنتش حتى متشافه
عشان كان الوجع إنه
كلام الحب كان منه
في كام ذكرى لقعده حب كت بينا؟؟
واصل الود ويا البعد يتنافي
مكانش الصلح بيعوق ماكلفتش فنفسك يوم
ولا تصالح
ولاتروق وقالوا الناس عليك كدبت
وقلت عليا ببجاحه ساعات الوحشه تحلو اما تتزوق
وقلت اعدي لأجل نعيش

فجيت انت بكل بساطه ماحبتنيش
وعارف ليه
ماحبتنيش
عشان شفتك معاهم غير
عشان فوت اصلي كتير
لأني عطيت وماطلبتش
فا مت بقلة التقدير
غريق بحر الخيانه مجال
يفوق من وقعه تحت الموج
بوقعه تهد حمل جبال
ويحضن صاري يتشبس
فتاكله الشمس متلبس وينقر لحم راسه الطير
يمووت وانت البعيد ماتجيش
وعارف ليه

عشان اصلا ماحبتنيش
ماحبتنيش
عشان للعاشقين أشكال وشكلك
كنت بتهظر
وعهد الله مكانتش غاويه اتمنظر
خرجت لثانيه بره الكدر
خدتني بشاعه المنظر
أنا بحبك وهيه برضه بتحبك
وديه التانيه
انت ياست بتحبك
مابتحبيش
ماتستهاليش
ده عاشق لوز
بيعشق بس لمايعوز
ويعمل بس خده مداس
لست الناس على ماسينجر
ويقلب للبنات اراجوز
فا دي حبيبتي
ودي بنتي
وراجعي الراس ياست انت وفوقي من الغبا وحبيه
ده شاعر بصي م الأخر
وصنف من الرجال فاخر
أنا اللي وصلت فالاخر
ااقول…….
اقولك ايه
يا ملك القافيه والافيه
وعم الشعرا والدروايش
مفيش في ذنب فالدنيا
يكون انك ماحنتليش
مفيش في ذنب فالدنيا
واسمه حبيبي مااشتقليش
عشان ديما تروح ماتجيش
مكانتش فاهمه بس فهمت
وعارف ليه
عشان اصلا فحال الأصل م الاول
ماحبتنيش

تعليقات الفيس بوك

تعليقات الفيس بوك

عن ELkebar-admin

مجــلة الكبـــار .. مجــلة اقتصــادية شــهرية تعد ملتقى الخــبراء وقــادة الــرأي في المجــال الاقتصــادي , ونافــذة رجــال الأعمــال والمســتثمرين على المشــروعات الاقتصــادية التي تهدف إلى عــرض ومناقشــة القضــايا الاقتصــادية المصــرية والعربيــة والدوليــة بأســلوب موضــوعي وأمــانة صحفيــة وتقديــم الخدمــات الاســتثمارية والبنــكية والتجــارية لقطــاعات المجتمــع .

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.