مجلة الكبار فقط يقرؤها الكبار إقتصادية , فنية , رياضية
الرجاله حبالهم طويله ونفسهم طويل اوى
يعنى ممكن يقولك انا معجب بيكى ويجى بعد سنه يقولك عايز اخطبك وبعد اربع سنين اتجوزك
بيحبوا ياخدوا وقتهم وراحتهم فى كل حاجه وماشين بمبدا “هنستعجل ليه محدش بيجرى ورانا” !!
احنا رايقين وعايزين الجوازه تعيش العمر كله فلازم كل حاجه تتعمل بمزاج وروقان..
اختيار الزوجه بمزاج
والشبكه بمزاج
والشقه بمزاج
وكان فيه فيلسوف اسمه كانط اعجب بواحده وكان كل مايقابلها يسكت لحد ماالست زهقت و طلبت ايده!! قالها : ادينى وقت افكر..
و قعد المحروس يفكر و يفكر ماهو فيلسوف بقى!! وفى الاخر جاب ورقه وقلم وقعد يكتب
ايه مميزات انه يتجوزها وايه عيوب انه يتجوزها وطلعله المميزات اكتر
فقرر انه يتجوزها وراح بيتها فباباها فتح له وقاله انها عايشه فى عنوان تانى
راح العنوان التانى لقى معاها جوزها وتلات عيال!! لان البيه بسلامته راح لها بعد سبع سنين على ما جمع مميزاتها وعيوبها بقي ماهو مش سلق بيض!! كويس انه راح لها وولادها لسه فى ابتدائى !!
لو كان اتاخر اكتر من كده كان لقاهم فى الجامعه!! وزى ماقلت لكم الرجاله بيحبوا ياخدوا وقتهم و ماشين بمبدأ “هنستعجل ليه محدش بيجرى ورانا” !!
