مجلة الكبار فقط يقرؤها الكبار إقتصادية , فنية , رياضية
بعد غياب أربع سنوات وفي عودة قوية للكاتبة والروائية المتميزة شيرين بدران أعلنت عن صدور رواية جديدة لها عن دار إبهار للنشر والتوزيع وتتكتم الكاتبة عن الإفصاح حول تفاصيل روايتها والتي ستشارك في معرض القاهرة الدولي للكتاب 2024 مشيرة إلى أن الرواية فكرتها مجنونة وخارج الصندوق وعنصر التشويق فيها عالي جدا ، كما أن غلاف الرواية سيكون مفاجأة من تصوير اشهر فوتوجرافر في مصر.
ووعدت شيرين متابعيها بأنهم سيقرأون رواية جيدة
مليئة بالفرح والحزن ودموع وشجن وحالتها حلوة .
وهذا باشادة كل من قرأها حتى الأن.
وقالت الكاتبة شيرين بدران عبر صفحتها الشخصية على موقع التواصل الاجتماعي Facebook..
كلمتين مهمين كنت مأجلاهم لحد ما يجي الوقت المناسب للإعلان عن روايتي الجديدة.
انا السنين اللي فاتت اخر خمس سنوات تحديدا مريت بظروف صعبة.. وقاسية جدا .. كنت مشتته وتايهة
وفعلا كانت اكتر حاجة مضيقاني.. إن مخي كان مشلول مش عارفة افكر .. ولا اكتب .. انا حرفيا نسيت الكتابة اصلا .
وأنا الكتابة هي عشقي الوحيد في الدنيا بلاقي فيها نفسي وشغفي .. هوايتي اللي ربنا وهبها ليا وميزني بيها .
فكوني اني اتحرم منها وابقى مش عارفة اكتب حرف ..
ف دي كانت اكتر حاجة فعلا مموتاني ..
الظروف القاسية دي خرجت منها بدروس مهمة جدا في الحياة.. واتعلمت كتير اوي ومفاهيم كتير اتغيرت عندي.
خرجت منها أنضج وأعقل وأقوى .
اشتغلت على نفسي كويس جدا من كل الزوايا.
ويوم ما بدأت اكتب من جديد كان أسعد يوم في حياتي
عشان كدا العمل الجديد دا يعتبر أهم عمل في مسيرتي الأدبية ..
اخر كتاب ليا كان آخر ضحكة في مصر سنة 2019
ومن وقتها وانا متوقفة تماما عن الكتابة
لحد ما رجعت تاني للساحة الأدبية ..
بعمل تعبت فيه جدا .. تعبت عشان يخرج بالشكل الدقيق دا .
اهتميت بكل التفاصيل.. وحطيت جواه كل ما املك من فكر وابداع .
اتمنى من ربنا أنه ينول إعجابكم ويوصل لقلوبكم زي ما هو خارج من قلبي جدا .
